Telio weh...
Bulae poso ni gak, kalu pasa makae meme soh bena lah. Munkeng tok bghapo beto la sikik konsep nyo tu, tapi gak..doh lagu tu nok wak guano. Banyok kkakloh la bendo2 makae hok tubek d bulae poso ni, hok skalo tak dok atapong payoh nok jjupo. Maso kecik-kecik dulu gak, dekak ghumoh tu ado kakok ni, dia nnego bulae poso jah, jjua cholek. Seghebo mok niko cholek ado. Nok cholek ggapo ado blako. Hok atok sokmo beli gak, cholek stoe nga jambu. Kadae tu, ghojok jawo. Pahtu kalu air, air tebu (atok tok bghapo suko tuok, hok meme popular). Dulu gak, air tebu ni tubek d'bulae poso jah, bulae laeng payoh nok bbuleh. Loning jah dok ado sokmo.Kkecek pasa cholek ni, dulu meme blana lah oghe nnego cholek, esp. dekat pitu2 paga skoloh. Tapi lo ning (atok last kelek 2 taong lepah), napok tok ghama doh. Dulu gak, kalu samah tu, tehea nok makae. Lo ning, seghia pong tok puah. One of the artistic touches of selling cholek ialah, bubuh gaghae biaso or gaghae pedah bbawoh supek; simple, tok payoh ado separate bekah/klosong.
So lagi hok meme suko bena ialah 'lukchin' atapong satay ikae. Sokmo nyo kalu beli, seghia teghuh (paleng kughae); samah manih samah pedah. Tapi kelek last tu, payoh weh nok jjupo oghe jjua lukchin ni, pah kuano blako? Ppakak gi khijo Klupo bkali... buleh pitih banyok sikik, pahtu...bende mmenae pong banyok. Dok Kkoto Bhaghu, tak dok ggapo.
Atok, kalu aghi biaso, makae pagi tu, 2 klosong lah sokmonyo; laksae or nasik dagae or nasik blaok or nasik khabu or nasik lemok. Nasik lemok ni buleh kato gak, an alien dish. Baghu jah ado, kecik-kecik dulu mano ado nasik lemok; jaghae bena. Kalu bukae nasik gak, puluk pagi or nasik kapek. Kalu nok beli 'tepong' hok sedak-sedak sikik gak, Mama atok sokmonyo gi ko merket Kubae Pasu. Banyok ssitu tepong-tepong tradisional Koto Baghu. Tapi loning pong payoh doh nok bbuleh setengoh tu, oghe malah doh nok buak hok payoh-payoh. Lagipong, ghamo nyo oghe hok dok Kkoto Bhaghu lo ning, bukae oghe asa ssitu (true KBians like Mama atok + SK). Jadi banyoklah tepong2 hok payoh bena nok bbuleh loning. [Macae Mama sokmo kato: aghi Saktu oghe Kkoto Bhaghu tok tubek kkeda, pasa penuh nga oghe daghak > sounds patronising to some, but that's another topic].
Banyok bena bendo-bendo makae ni hok atok dok telio maghi bulae poso gak, tapi nok wak guano...dok jaoh. Nok buak sdighi, bukaenyo gheti....
[footnote: somehow there's a lingua mode glitch today, apology to those at lost]
posted by Atok @ 11:12:00 pm
